فجاة وصلت رسالة في المنتدى لي أنا فقط خاصه
تقول أنا معجبه أنا أول ماعرفتك أحس إني تايهه مثلك
قلت لها أهلاً وسهلاً تفضلي أطلبي أبد لاتتردي
قالت لي بكل فضول ماإسمك وكم عمرك؟؟
قلت إسمي فلان وعمري تجاوز الثلاثون عام
قالت يازينك في عمر الشباب خبرة وتجارب مامثل باقي الأولاد
ضحكت وقلت عاد صرنا شيَّاب
والبياض في الرأس بان وغطى السواد
قالت لاتكرر كلامك إنت فارس أحلام البنات وقلبك كبير
وإنت.. وإنت... وإنت.....
قلت لها أرجوك إنتي إرحميني
أي بنات وأي أحلام أنا ياأختي من عالم النسيان
وهذا زمن مايعترف بالأحلام ولا روايات الحب والغرام
قالت حرام ليش هالتشائم الدنيا بخير
والناس مثل الأصابع ماتتشابه
قلت العفو مش تشائم هذي حقيقة هالحياة وطبيعة هالبشر
قلت لها يمكن سؤال؟؟
قالت تفضل
قلت لها إنتي متزوجه؟
قالت لا
قلت مخطوبة؟؟
قالت لا
قلت إذن أكيد فقلبك حبيب تنتظري رجوعه؟؟؟
قالت لا والله وألف لا
قلت لها إذن تتزوجيني؟؟؟؟
قالت فارق السن بينا كبير
قلت لها سبحان الله قبل شوي كنتي تقولين في عمر الشباب خبرة وثقل ورزانة عقل
وقلتي إني فارس أحلام البنات وإني وإني ....
قالت صدقني يا أخوي إنت تستاهل إللي أحسن مني
أما أنا الزواج عنه صارفه النظر
قلت لها لاما عليك ياأختي إنسي...
قلبي تحمل صدمات أكثر...
قالت طيب إصبر خلنا شوية بس نتعود على بعض
وأتعرف عليك اكثر
قلت لها ليش لا؟؟!!... نصبر ونتعود
ومثل ماقالوا ياصابر ثلاث أصبر بعدك ثمان
قلت لها حياتي يابعد عمري يادنيتي وقلبي وروحي
قالت فداك عمري يابعد روحي آمر قول وتدلل
قلت لها شو أنا بالنسبة لك؟
يعني تحبيني مثل ماأنا أحبك؟؟
قالت أحبك وأموت فيك والله العظيم أحبك قد السما وأكبر
قلت لها حبيبتي أريد أشوفك ولهان مشتاق ماني قادر ع الصبر أكثر
قالت حبيبي شو راح تستفيد
أرجوك لاتكرر هذا الطلب ماأقدر
يااااه مر الوقت بسرعه وإنطوت أيام وتلتها شهور
وأنا وإنتي رسايل عشق وهيام والشوق يكبر
والحب بينا وصل لأبعد ماكنت أتوقع
وأنا كل يوم نفس السؤال نفس الطلب والرجا
ودي أشوفك..
وطرت من الفرحه وإبتسمت الدنيا في وجهي وقرب يوم اللقا
وقالت باكر حبيبي بنلتقي
...
وإلتقينا ..من بعيد شفتها حسن ورقه وجمال
ولكن بسرعه عني راحت وإختفت
قلت لها أرجوك إصبري خاطري أشوفك أكثر
وعن قرب عيونك أنظر
قالت حبيبي أرجوك أول مره أعملها
وأحس إني بالإثم أغرق أكثر
..
حبيبتي بعدها إختفت تلفون يتعذر وماسنجر مغلق
ورسائل إيميل الله أعلم توصل أوماتوصل
مر يوم يومين ثلاث وفي اليوم الرابع صار لوني شاحب
وللموت أتقرب أكثر
بعدها جاتني رساله ..حبيبي أريد أتركك
لكن حبك في قلبي كبير ماني قادره ع بعدك اصبر
قلت لها يامجنونه شوهالكلام أي بعد وأي خرابيط
أنا بدونك أموت والله قلبي يتكسر
قالت لازم نفترق أرجوك حبيبي أنا آسفه
ماأقدر أكذب أكثر أنا..أنا ..
قلت قولي أرجوك إنتي شو ؟؟
وليش الأسف ؟؟
ماني فاهم أرجوك قلبي أحس نبضه وقف
قالت سلامة قلبك يابعد قلبي
والله ماكان قصدي أجرحك
يارب أرجوك تتلطف وتغفر
حياتي... بعترف لك وأرجوك تسامحني
أرجوك ماتسيء الظن بي
وتاكد حبيتك من كل قلبي
قلت لها فديتك حياتي وقفتي قلبي قولي وريحيني
قالت يافلان سامحني أرجوك تنساني
أنا متزوجه وعندي عيال أكبرهم إسمه فلان
وفجأة إنتهت قصة إبتدت فجأة
لكن خذت معها فرح عمري
وإتركت لي ألم وأحزان
وقلب مصدوم حاير مجروح بغدر أغلى إنسان...
